ផ្លែឈើ​លាង​ជាតិពុល​ក្នុង​រាងកាយ​

​ក្រៅពី​ចំណីអាហារ​ប្រចាំថ្ងៃ​ដែល​យើង​មិនអាច​ចៀសវាង​សម្រាប់​ការ​ទ្រទ្រង់​ថាមពល និង​សុខភាព​រាងកាយ​ក៏​នៅមាន​ផ្លែឈើ​ផងដែរ​ដែល​យើង​គួរ​ទទួលទាន​ជា​ចំណី​លាង​មាត់​ក្រោយពេល​អាហារ​ប្រយោជន៍ ដើម្បី​បំប៉ន​ជីវជាតិ​ចាំបាច់​ទាំងឡាយ​ដល់​រាងកាយ​ផងដែរ​ដូចជា​៖ ​ម្នាស់ៈ អង់​ហ្ស៊ី​ម​ប្រូ​មេ​លីន ដែលមាន​ច្រើន​នៅ​ក្នង​ផ្លែ​ម្នាស់ ជួយ​អោយ​ការធ្វើការ​របស់​អា ស៊ីដ អ៊ី​ដ្រូ​ក្ល​រិ​ក​ក្នុង​ក្រពះ បានល្អ​ប្រសើរឡើង និង​ធ្វើអោយ​វត្ថុ​កខ្វក់​ខូច ដែលជា​ប្រូតេអ៊ីន បំបែក​ខ្លួន​បាន​ឆាប់​ឡើង ដើម្បីអោយ​រាងកាយ​អាច​កម្ចាត់​ចោល​បាន​។​ ​ល្ហុងៈ មាន​អង់​ហ្ស៊ី​ម ប៉ា​ប៉េ​ន ដែលមាន​លក្ខណៈ​ស្រដៀង និង​ទឹក​រំលាយ​ក្នុង​ក្រពះ ជួយ​ធ្វើអោយ​វត្ថុ​កខ្វក់​ខូច ដែលជា​ប្រូតេអ៊ីន បំបែក​ខ្លួន បាន​ឆាប់រហ័ស​។ ក្រៅពីនេះ ល្ហុង មាន​ជាតិ​កាក​សរសៃ​ខ្ពស់ ធ្វើអោយ​ប្រ​ព័​ន្ឋ​បញ្ចេញ​ចោល ធ្វើការ​បានល្អ ពោះវៀន​ក៏​ស្អាត ។ ​ឳ​ឡឹ​កៈ ជួយ​សាង​សារធាតុពុល ដោយ​បញ្ចេញ​មក​តាម​ទឹកនោម​។ សំបក​ឳ​ឡឹ​ក សម្បូរ​ដោយ​ក្ល​រ៉ូ​ហ្វ៊ីល​ល៍ ចំណែក​គ្រាប់​ឳ​ឡឹ​ក មាន​វីតាមីន​ច្រើន​។ ម្យ៉ាងទៀត ឳ​ឡឹ​ក អាច​ព្យាបាល​ដំបៅ​ក្នុង​ក្រពះ​និង​ជួយ​បន្ថយ​សម្ពាធ​ឈាម​ខ្ពស់ បាន​ទៀតផង​។​

​ប៉ោមៈ ជា​ផ្លែឈើ​ល្អ​បំផុត សម្រាប់​កម្ចាត់​វត្ថុ​កខ្វក់​ក្នុង​រាងកាយ ព្រោះ​ផ្លែ​ប៉ោម​សម្បូរ​សារធាតុ​ផេ​ក​ទីន (Pactin) ដែល​ជួយ​នាំ​សារធាតុពុល​ទៅ​កម្ចាត់​ចោល ព្រមទាំង​មានគុណ​សម្បត្តិ​ការពារ​មិនអោយ​ប្រូតេអ៊ីន ក្នុង​ពោះវៀន កើតការ​ផ្អូម​ស្អុយ​។ ម្យ៉ាងទៀត ផ្លែ​ប៉ោម មាន​ជាតិ​កាក​សរសៃ​អាហារ​ខ្ពស់​ដែល​អាចជួយ បោស​លាង​សម្អាត​វត្ថុ​កខ្វក់​ក្នុង​ពោះវៀន បានល្អ ធ្វើអោយ​ថ្លើម និង​ប្រ​ព័​ន្ឋ​រំលាយ​អាហារ ធ្វើការ​បានល្អ​ឡើង ។ ​ ទំពាំងបាយជូ​រៈ មាន​សារធាតុ​លាង​សម្អាត សម្រាប់​ស្បែក ថ្លើម ពោះវៀន តម្រងនោម ព្រមទាំង​ជួយ​គ្រប់គ្រង ជាតិ​សំបោរ ដែល​ចេញ​មកពី​ជាលិការ​ផ្សេងៗ​ក្នុង​រាងកាយ​ផ្តល់​ថាមពល​ខ្ពស់ សម្បូរ​ជាតិ​រ៉ែ ជួយ​បំប៉ន​ឈាម និង​បង្កើន​កោសិការ​ក្នុង​រាងកាយ ៕ ដោយ​៖ ចំណូល​http://www.vorakchun.com/